Embedded Files
هاالليله فرح في دار أبوحسين عند الهاشمية وأم البنين
_________
هاالليلة فرح بقدوم عباس راعي المرجله طيب الانفاس
عباس البطل صاحب النوماس ضنوة حيدرة قاتل العمرين
_________
بس نوره ظهر ضوت الأكوان والكل مبتسم والقلب فرحان
أهلا بجيتك يا قمر عدنان يا شبل الوصي يا قرة العين
_________
ليلة مولده لاحت الأفراح نوره بغرته چنه المصباح
وعطر أولادته كل صوب فواح وأمه تبتسم بين النساوين
_________
وشاله المرتضى وقبل چفوفه وقبل هامته وزينب تشوفه
وصاحت ياعلي عباس عوفه هذا كافلي وناصر حسين
_________
وزينب ضمته خوها وفخرها وظلت تنظره وهو نظرها
وعباس إبتسم حامي خدرها وحيدر ينظر الحالة هالثنين
_________
ولأمه ردته والقلب مسرور تهنيها وتقلها يم لبدور
ألف مبروك يايمه بهالنور رفعة راس ابنچ يم لبنين
_________
ياشيعي احتفل هاليوم باسمه واظهر للفرح واظهر البسمه
عباس القمر يامحله إسمه سبع القنطره وليث الميادين
_________
وأختم بالدعاء بالفرج لينه وأختم بالدعاء بالفرج لينه
بجاه المصطفى أحمد نبينه وجاه الطاهره أم حسن وحسين
_________
الحاج يعقوب القصاب
رجب 1438 ه
مارس 2018 م
Page updated
Google Sites
Report abuse