خبروني عن أولادي

الج أولاد يا أم البنين رجت حومة المـــيدان

مثل الرحى داروها وقامت ترجف الفرسان

..

وأبو فـــــاضل يا أم لبنين روى كــــربله بلدموم

يوم العاشر امحــــرم وطـــــــير البين ظل يحوم

زلزل كل نواحيها مثل الأسد وسط القــــــــوم

وخله الخيل واهل الخيل تتكردس على التربان

..

ونزل للمــــــاي بالقــــربه وقلبه يشتعل جمره

واذكر أخـــــوه حســـــين ومنه ماشرب قــــطره

شلون الماي يذوقه وجبد حـــــسين منفطره

وأملا الجود يا أم لبنين ويمم قاصد الصيوان

..
وحال القــــــدر يا ويلي ومنه قطعوا الجــــــفين

وظل حاير على حصانه لنه السهم شق العين

وعمـــــود الغـــدر يا يمه فجر هـــــــامته نصـــــــين

وبس من طاح عالغبره علينه شمتت العدوان

..

وخويه حـــــسين جر ونه ونادى آه يا عــــــباس

خويه ليش عايفني الوحــــدي بين هالأرجاس

ظهري إنكسر يعضيدي من بعدك يوافي الباس

ما تسمع حنين اختك تندب داخل الصـــــيوان

..

يا يمه بعد عينه سهم الموت صاب حسين

وفرينه بليه شعــور ويلي نلـــطم الخــــدين

ويه الحــرم محتارة واتلـــفت شمـــــال يمين

وابن سعد الرجس آمر تتســلب النســـــوان

..

وعلينه شنو الغــــــارة وخيام حــــسين حرقوها

وجم طفله لخويه حسين تحت الخيل داسوها

وجم حـــرمه بلا والي ذاك اليـــــوم خلـــــــــــوها

ما أقــــــدر بعـــــد أحجي ظليـــــــنا بلا ولــــــــيان

..

كلهم عالثرى ناموا والصيوان ظل خالي

منهم ما بقى واحد بالطف راحت ارجالي

بس الحــــرم والايتام تصــــرخ مالها والي

ألف وسفه يبوفاضل رحت امقطع الدرعان

..

مارس 2012م / ربيع الثاني 1433