زفة القاسم

رمله تلطم على الهام ....      في زفة عرس جسام

يا زهرة زماني إنته ..... بيه خانت الأيام

حلمت بعرسك أتهنى ....    وضاعت مني الأحلام

أم وما لها والي ....          صوبها الدهر بسهام

آني ربيت يا وليدي ....  وعيني ساهرة ما تنام

عرس بحزان .... وسط عدوان .... نثار اسهام

×××××××××

آني من شفت عمك .... ملبسنك جفن هاليوم

حسيت الولد رايح .... جاسم ضنوة المسموم

بعد ساعة بشوفنك .... اخضابك يبني من لدموم

لن عمك بلا ناصر .... ظل وحيد بين القوم

خل العرس يا عيوني .... وانصر عمك المظلوم

فدوة تروح .... يا بعد الروح .... هذا اليوم

×××××××××

سهرت اوياك وربيتك .... ورضعتك دم دلالي

انهض قوم يا جسام .... وانصر عمك الغالي

بعد عيناك يا وليدي .... عين الله تبرالي

غريبة بأراضي الطف .... بظل حرمة بلا والي

أدري بالدهر خوان .... بشوفك ميت اقبالي

وأجر حسرة .... وأثر حسرة .... بدمع هالي

×××××××××

انهض بالعجل يبني .... وانزل حومة الميدان

خل اسمك يكتبونه .... بدم نحرك يظل عنوان

وإلحق ركب أهل الجود .... واترك قعدة الصيوان

فيها ما بقى واحد .... بس الأطفال والنسوان

ما تسمع ييمه الخيل .... تصهل ماليه الوديان

وعمك صار .... ماله أنصار .... بس نسوان

××××××××××

صالح العرس ما ريده .... وعلى راسه المنية تحوم

من عاين أبو اليمه .... ظل وحيد بين القوم

شهر بتاره ونادى .... ملبي دعوة المظلوم

روحي اليوم أقدمها .... فدوة تروح للمهظوم

أريد اليوم جفيني .... أخضبها بنجيع دموم

عمي حسين ..... ماله معين ..... ظل اليوم

×××××××××

حول للمعارة وصاح .... آنه ابن الحسن جسام

وحاطت بيه عدوانه .... وشقوا هامته بصمصام

وخر اعلى الثرى ويلي .... وأمه تلطم اعلى الهام

ومن جاله الشهيد حسين .... وقلبه ممتلي بآلام

وعلى صدره حمل جاسم .... ومده في وسط الخيام

انحنى ضلعه .... وجرى دمعه .... أبو الأيتام

×××××××××××

ورمله طلعت تسايل .... جبت ابني يبو اليمه

وخرت عالعزيز تصيح .... جاسم غارق بدمه

وضجت الحرم بالنوح .... ويم جسمه استوت لمه

شافو جثة العريس .... وزينب جالسه يمه

وعروسه تصيح خلوني .... اتحنه اليوم من دمه

خلها اتروح .... مني الروح .... يم جسمه

××××××××××××

أكتوبر 2007 – شوال 1428 هـ