مجردات زينبية

و شحالها من طبت الشام

تندب و راس حسين قدام

و الحرم يمها تلطم الهام

وينك يبو فاضل يضرغام

تنظر الحوره بين ظُلام

______

أختك وحيده و مالها حال

ترضى يبو فاضل يسردال

شمر الخنه يجرها بالحبال

بيده اسيره بين لندال

_______

زينب ترى دشت الديوان

و بلا ستر ما بين عدوان

و يشتم خواتك رجس سفيان

و نادى الرجس مسرور فرحان

عنچ يزينب وين لخوان

_______

وين الاهل ويه العشيره

بعد الخدر صرتي اسيره

وين الشهم صاحب الغيره

جبناچ من ديره لديره

_________

و آني يخويه مهبطه الراس

و اسمع كلامه ابن لرجاس

و يشتم ابونه صعب المراس

و شحال زينب بعد عباس

و ماحد رحم حالي من الناس

________

وشحال حرمه بغير والي

راحت هلي و راحت ارجالي

و سوري انهدم الچان عالي

و ظليت اقاسي ظيم حالي

البيت منهم صار خالي

________

ربيع الثاني 1439 ه

يناير 2018 م