وحدة العقيلة

 بعدك يا غالي ماعندي والي

يخويه يحسين وين أتجه وين

فرت الحوره من الصياوين

صوب المعارة تندب حسين

تلطم على الهامة باليدين

حاطت علينه القوم صوبين

ماعندي والي يا ضيم حالي

يخويه حسين وين أتجه وين

..

انهض يخويه وعاين اشصار

وســـــط المخيم شـــبوا النار

وخـــــلاف عينك هالعدو جار

انظـــــر الحورة مالها خـــــمار

والدمع هالي يا ضيم حالي

يخويه يحسين وين أتجه وين

..

المن يخويه اشتكي الحال

نســـــوان ظلينا بلا رجـــــــال

عندي عليل وعندي أطفال

تصرخ يخويه يمنه وشــمال

ضجت أطفالي   يا ضيم حالي

يخويه يحسين وين أتجه وين

.

يا هو اللي يباري الحرم وياي

والله يخـــــــويه زاد بلــــــــــواي

هذي العـــــيله تزيد حـــــــماي

من هالمصيبة ذايب حشــاي

مندهش بالي    يا ضيم حالي

يخويه يحسين وين اتجه وين

..

لطفال هــــــامت بالبوادي

وآني وحيده بين أعــــادي

من هو يلم عترة الهـــادي

جبدي مفتته وذايب افادي

ضاعت أطفالي  يا ضيم حالي

يخويه يحسين وين أتجه وين

..

كل هالمصايب حلت اليوم

صرنا أسارى بولية القــــوم

سب وضرب والقلب مالوم

والإيتام تصرخ حولي اتحوم

ماليها والي يا ضيم حالي

يخويه يحسين وين أتجه وين

..

يالي على التربان مطروح

وجسمك يخويه كله جروح

يا ليت روحي قبلك تـــــروح

من بعد عزي وين انا آروح

ماعندي والي يا ضيم حالي

يخويه يحسين وين أتجه وين

..

خــــان الدهر يحسين بينا

من يوم جينا من المدينه

وفي كربلا ذبحوا ولينا

بس ماوقع احنا انسبينا

عزي و دلالي قوض يا غالي

خويه يحسين وين اتجه وين

..

أكتوبر 2010 م/ شوال 1431 ه