وفاة السيدة زينب عليها السلام

زينب العقيلة الهاشمية         على وساد المنية

من عظم الرزية      ماتت هالمسية

××××××××××

عمرها قضته بالهم             بضعة فاطمة الزهرة

من تذكر مصاب حسين       تجــــــر لونين والحسرة

دايم ناصـــــــبة الماتم               وتسعر في القلب جمرة

نبجي وتهمي العين   وتندب الولي حسين

من عظم الرزية      ماتت هالمسية

××××××××××

كل ســــــــاعة تجر ونــه             وتصـــــرخ آه يا المذبوح

وتذكر كربلـــــــــه وتصيح          خويه بالشمس مطروح

على الغبره يظل جسمك       ودمك عالترب مسفوح

تبجي وتهمل العين   وتندب الولي حسين

من عظم الرزية      ماتت هالمسية

××××××××××

زينب شــــــافت أخوتها            على التربان مذبوحين

وجثثهم في أراضي الطف              ابحر الشمس مطروحين

وشافت بوالفضل عباس       على الشاطي بلا كفين

تبجي وتهمي العين   وتندب الولي حسين

من عظم الرزية      ماتت هالمسية

××××××××××

وتذكر دخلت الشامات         بيد القــــــــــــوم وذلتها

بلا والي تجــــــــر حسرة           وكم بلوه اللي شافتها

وعلي السجاد بقياده            ويصب دمعه لحالتها

تبجي وتهمي العين   وتندب الولي حسين

من عظم الرزية      ماتت هالمسية

××××××××××

ماتت والقـــــــلب مألوم             وين أخوتها يشوفوها

تودعها وتغمض العين         وللقـــــــبلة يوجـــــــهوها

في وين الأهل عنها            لروضتها يشيعوها

تبجي وتهمي العين   وتندب الولي حسين

من عظم الرزية      ماتت هالمسية

××××××××××

ربيع الثاني 1427هـ / مايو 2006م