Embedded Files
عباس ياضنوة هلي يا شبل عدنان
بيموت ياخويه الطفل هاليوم عطشان
------
لذنه ياخويه بذمتك ياراعي الجود
أنهض يا حماي الخدر وأبذل المجهود
أنزل ياخويه المشرعه واملي لنا الجود
لطفال ماتت بالعطش يا شبل عدنان
------
ظل ينظر الحوره ودمعاته سچيبه
وقلها أبشري يمخدره والماي اجيبه
وانا البطل عباس ياروح النجيبه
وبمضي انا لحسين يعطيني استئذان
------
هذي اطفال امعطشه ويه النساوين
فدوه لك العباس يازينب ولحسين
لليوم انا مذخور اخدم آل ياسين
ادعي الي يا مخدرة تسلم الذرعان
-----
لبيك ياضنوة علي تفداك عيني
وليمن طحت يم النهر خيه اعذريني
وسلي حريم حسين زينب واندبيني
چني اشوفك حايره مابين عدوان
-----
وجرد احسامه وانحدر حامي الحميه
ونادى انا العباس يا زمرة أميه
ضنوة علي الكرار ماهاب المنيه
هالسيف لازم يرتوي منكم ياعدوان
------
وبالجود حول للنهر صاحب الغيره
وجوده ملاه وطلع بيه روح البصيره
والدرب سدتها العدا واحتار حيره
قطعوا يمينه ويسرته اوغاد سفيان
------
زلزل اراضي كربلا من حمل عباس
وأعداه فرت خايفه وغابت الأنفاس
ابسيفه ذبح جم حيد من هالقوم لرجاس
چنه علي الكرار في حومة الميدان
------
والخبر وصل للخيم يا هي فجيعة
عباس يا زينب وقع يم الشريعة
والعين مصيوبة بسهم يختي الوديعة
والحرم ضجت معولة داخل الصيوان
------
ذوالقعدة 1441ه
يوليو 2020
Page updated
Google Sites
Report abuse