كعبة الرزايا

اني ماشية يحسين عنكم فوق الهزل ويه حرمكم

حرمة بلا والي بعدكم اقعد و عاين حال اختكم

-----------------------

قلبي يخويه ممتلي جروح و جسمك على التربان مطروح

و بلا ذنب يحسين مذبوح ياليت مني راحت الروح

_______________

امشي ذليلة بين عدوان و ين العشيرة وين لخوان

ماحد بقى لي من الوليان شلون ترضى آل عدنان

_______________

و دارت نظرها صوب عباس انهض يبو فاضل يفرَاس

و انظر الحوره بين الارجاس تمشي دليلة امهبطة الراس

______________

يا خوية انظر هاي لحوال شمر الخنى ساحبني بحبال

و الحرم تندب فوق لجمال و بلى ستر ما بين لنذال

_______________

يلي على الشاطي رميه اختك اسيرة بيد امية

وينه هلي واهل الحمية ما حد بقى هاليوم ليه

_______________

مدري يخويه العزم لا وين امشي اسيرة وأندب حسين

وآني وحيده و مالي معين ترضى يضنوة حامي الدين

________________

بعد الخدر امشي اسيرة فوق الهزل ديرة لديرة

بعد الولي صاحب الغيرة زينب ترى صارت بحيرة

------------------------------------------------------------------

جمادى الأولى 1439 ه فبراير 2018 م