Embedded Files
ياليت قبل هاليوم وافتني المنيه
ولا جيت وادي كربله وشفت هالرزيه
جسم العزيز حسين مرمي عالوطيه
جثه بلايا راس شوفوا هالرزيه
فوق الثرى ادوس صدره الاعوجيه
وينك يبو حسين عن ذبحة حسين
**********
احسين وأخوانه قضوا حتى رضيعه
وعباس يم المشرعه اكفوفــــه قطيعه
ناديت بأسمه ياعلي آنه الوديعة
شلون تنساني وتظل يم الشريعة
إنت الجبتني امن الوطن واضيع ضيعه
وينك يبو حسين عن ذبحة حسين
**********
حاله القشره ياعلي مصباح عاشور
من بعد ذبح حسين وارجاله هالبدور
هجمت علينا الغادره في وسط لخدور
ولطفال فرت خايفه تركض في لبرور
والحرم ضجت معوله وإدق لصدور
وينك يبو حسين عن ذبحة حسين
**********
عندي عليل امن المرض يجدب ونينه
والحرم سلبوها الاعادي إقبال عينه
راح المحامي ياعلي ماتلفي لينه
شوف الدهر يامرتضى واشفعل بينه
يابوي ماعندي أحد يشفق علينه
وينك يبو حسين عن ذبحة حسين
**********
محتاره ياحامي الحمه إبأرض لطفوف
ياريت حاضر ياعلي بعيونك تشوف
تنظر الحوره مسلبه والستر لجفوف
وعندي حريم مروعه ترجف من الخوف
ولطفال يمها خايفه والدمع مدروف
وينك يبو حسين عن ذبحة حسين
**********
ويش حال زينب ياعلي من بعد أهلها
افراق أخوها حسين ذوبها وذهلها
بنتك وحيده بكربله اتبدد شملها
بيد العدو وكل ساع يشتمها ويذلها
زينب الحوره بكربله فقدت أملها
وينك يبو حسين عن ذبحة حسين
**********
اعزيزه الزهره ترى محتاره هاليوم
ويه اليتامى والحرم مابين هالقوم
ادق صدرها وتنتحب والقلب مالوم
مثل الحمامه ضايعه في المعركه تحوم
شافت جنايز عالثرى تسبح بالدموم
وينك يبو حسين عن ذبحة حسين
**********
صاح الشمر يمخدره في وين عزكم
كبش الكتيبه طاح وتنكس علمكم
خوتج ذبحناهم طبق حتى طفلكم
راح المحامي ياعزيزه اليوم عنكم
ولازم تقاسين الهضم مني بأسركم
وينك يبو حسين عن ذبحة حسين
**********
خادم أهل البيت “ع”
الحاج يعقوب القصاب
شوال 1430 هـ 2009م
(الجزء الثاني – ص 103)
Page updated
Google Sites
Report abuse