ساقي العطاشى

زينب حايرة و تصيح يا عباس جيب الماي

اطفال حسين عطشانة كلها واقفه بحذاي

وسكنة تنتحب يمي خويه و زيدت بلواي

و هذا اليوم حزاتك دنهض يا قمر عدنان

___________

ما تنظر رضيع حسين ظامي يصرخ اقبالي

ورباب اتصيح يا ويلي على حاله وعلى حالي

بموت الطفل يا زينب ذاب اليوم دلالي

ڄم طفله و طفل لحسين قلبه منفطر عطشان

___________

و طب المشرعة عباس ويلي و ما شرب قطرة

و أتذكر اخوه حسين و نادى آه بالحسره

شلون الماي اشربنه و انسى مهجت الزهرة

لو انسى رضيع حسين ماهي شيمة الشجعان

___________

ملى جوده ابمجهوده واتأوه صعب لمراس

و طلع بالماي للخيمه وقامت تنظره الارجاس

و صاح بصوت شفتوني أخو زينب آنا العباس

بودي الماي للخيمة يا زمرة بني سفيان

___________

وسدت دربه العدوان ويلي ضنوة الكرار

و صابوا قربته الاوغاد و قطعوا يمنته و ليسار

و فضخوا هامته بعمود و بعينه سهم غدار

وق لّت حيلته العباس و تقنطر قمر عدنان

___________

و نادى بصوت يا مظلوم ادركني يا بعد الروح

هذا العمد آذاني و روحي يالأخو بتروح

ودعني ياماي العين جسمي وراسي كله اجروح

و بيدك يالأخو هالساع وسدني على التربان

___________

و خبر زينب الحورة اليها للخيم ماعود

شلون ارجع الى الخيمه و راسي منشطر بعمود

و سهم البين بعيوني و جسمي عالثرى ممدود

يزينب آيسي منه ما يرجع الى الصيوان

___________

شوال 1439ه

يوليو 2018م