ليلة الحادي عشر

ويش إتريد هالساعة عنه ابتعد يا خيال

حريم إمسلبه كلها وضج بالبكى الأطفال

******

عندهم ما بقت حاجة دنظر حالة النسوان

قبلك سلبوها القوم من هجموا على الصيوان

بنات الطهر ماجنه علينا غارت العدوان

بعد حسين والعباس صرنا بولية الأنذال

******

ظلينا بلا والي حيارى وسطه الوادي

دسمع نوح هالأيتام وأني أيدي على إفادي

وصاني العزيز حسين أحفظ عترة الهادي

ليضيعون من بعده وعليهم منشغل هالبال

******

راح الذي يرعاهم ويش أفعل أني بحالي

حريم اتصيح متروعة ويمي تحن أطفالي

من هو اللي يسكتهم يفارس ذاب دلالي

بعد الخدر والعزه اتشتتنه يمين شمال

******

أما تروح يا فارس لو نادي لك العباس

صوب المشرعة باروح وبصرخ يا شديد الباس

خويه ما أظن ترضه زينب تحجي ويه الناس

بظلام الليل جتنه القوم دنهض يافحل الرجال

******

والفارس جدب حسره وبخده الدمع مسفوح

يزينب أيسي منه اخيك عالنهر مذبوح

قطعوا العده جفينه يبنتي خففي هالنوح

إليكم أبد مايرجع ولا يلفي لكم خيال

******

صاحت بيه يا خيال أشوف الدمعك تسيله

قال إلها أنه حيدر جيت أحرسكم الليله

عند الفجر باسافر يبنتي وأحفظي العيله

الله وياج يا زينب ظليتي بلايا إرجال

******

وزينب دنت يمة اتصيح وبخذها الدمع مدروف

شفت اللي جري اعلينا يبوية في أرض لطفوف

إلمن اشتكي حالي وانته غوث كل ملهوف

يحيدر جهز الوالي قبل متروح عن لعيال

-------------------------------------------------------------

لخادم أهل البيت (ع)، الحاج يعقوب القصاب

2009/ ذو القعد 1430هـ

(الجزء الثاني – ص 70)