بطل العلقمي

زينب الحورا بخدرها    تلطم الهام ابعشرها

ابد ما بطل حنيني      بو الفضل يا نور عيني

-------- 

امشيت يا خويه بكفاله   طلعتي من ارض طيبه

جيت وياكم عزيزة  و انت جيدوم الحريبه

و من وصلنه الغادرية  حس قلبي بالمصيبة

خايفه من بعد عينك ابقى يا خويه غريبه

بيد عدوان اسيره  امشي من ديره لديره

لازه قلبي ابيمني  بو الفضل يا بعد عيني

------- 

الرباب اتصيح جتني بالطفل و اتهل عبره

اخذوا يا زينب ولدكم  دالع السانه على صدره

من العطش غارت عيونه  جلد ما عندي انظره

خل ابو فاضل يشوفه  لا يموت اليوم حسره

قومي يا زينب نقصده  چان نحصل ماي عنده

لحقي يا زينب جنيني   لا يموت قبال عيني

 ------

و مشت وياهم اسكينه  للبطل و الدمع هامي

دخلت و صاحت يا عمي   ما تشوف الطفل ضامي

مسمعت ضجت العيله   و ملها غيرك امحامي

سمعها و هلت ادموعه    و صاح لا تنوحي امامي

ما الي رخصه ابروحي  اقبال ابوك حسين نوحي

چان رخصه ارقبيني       ابترتوي يا بعد عيني

------- 

و راح عند خيمة اعضيده  و تنحدر دمعة اعيونه

قبل ايمينه و نادى   فتت افادي اسكينه

بيدها تحمل أخوها  امن العطش غارت اعيونه

رخصه و نادى لعمكم   اسألوا الباري يعينه

سدوا عليه الشريعة  و بس ذكر نوح الوديعة

ناد يختي اترقبيني   بقربتي يا نور عيني