عريس الطفوف

طاح جاسم ع الوطية بالعطش چبده تفوح

و صاح يا عمي ادركني قبل ما تطلع الروح

----------------

جابه المظلوم عمه ومدده يم لطناب

وصاح يا خيه تعالي و انظري حال الشباب

شجوا العدوان راسه و دمه السافح اخضاب

وظلت تنادي يا ويلي و روحها كادت تروح

----------------

و شافت العريس نايم و الدمى منه تسيل

واصفقت بالحال چفها و ارتفع منها العويل

ساعة امعرس يايمه و ساعة من دمك غسيل

ولفت رملة يم ولدها اتصيح يا مهجة الروح

----------------

راحت الأمال يا ابني وذوبت مني الچبد

ليش عايفني يا يمه حرمة ما عندي ولد

عقب عينك يا حبيبي راح من عندي الجلد

عايف الدنيا و هواها وين من بعدك اروح

----------------

وعينها صوب المدينه وين عنه يالحسن

ما تجي هاليوم لينا تنظر اهوال المحن

والعزيز احسين حاير بين اصحاب الفتن

لو يلوق الحرب ليه چان هالساعة اروح

----------------

و شوف هالساعة لجاسم بالدما فوق الثرى

وقاعدة يمه أنخي و اجر حسرة و انظره

و قوم يا مسموم هيا لعند جاسم واقبره

ادفنه يا نور عيني مقدر انظر هالجروح

----------------

و اسمع النسوان تندب ضاجه وسط الخدر

ما تهنى فرد ساعه أه يا قوم الغدر

و انطفت شمعة شبابه و غابت انوار البدر

و حجت الباري تألم من كثر ضجة النوح

----------------

والحزينة إتدق صدرها و الدمع فوق الخدود

راح جسام و تركني وما أظن ليه يعود

ضنوة المسموم طايح واستحب نوم اللحود

راح و خلاني غريبة و أجر آهات الجروح

ذوالقعده 1438 ه

أغسطس 2017 م