رد الضعن للغاضرية

ردت الحوره كـــــربله باللطم هاليـــــــوم

يحسين ذابت مهجتي بعدك يمظلوم

..

اخلاف عينك يالولي شفت المصايب

للشام رحت ميســـــره فـــــوق الرجايب

ورديت خـــــويه الكربله والقــــلب ذايب

وشحال حرمه وفاقده في ولية القوم

..

عذبوا حالي هالعدى في بلدة الشام

وعندي حريم املــــــوعه وتضــــــج ليتام

في وسط مجلس وقفوني القوم ظلام

وانهـــد ركني ياعزيزي القــــلب مالوم

..
قدام عيني بن الخنى ينكت ثناياك

وماخاف ربه هالدعي يضرب يتاماك

ويسب أبونه المرتضى وتضفك عداك

وعلينه ماواحد نغر خويه يمظلوم

..

وابنك علي السجاد دوبني ونينه

 من يسمع أطفالك تحن أيدير عينه

وين العشيرة والأهل تنظر إلينه

ياريت حماي الحمه ينظرني اليوم

..

وسطة خرابه إمهدمه خلانه بيها

عتره الهادي بها الوضع ماحد إليها

لجل الشماته والهضم وينه وليها

صعبه يخويه حالتي يالغسلك دموم

..

وبنتك رقيه يا خليصي ماتت هناك

عاينت راسك بالطشت مخضوب بدماك

خرت عليه اتقبله وتلطم وتنعاك

والروح منها فارقت والدمع مسجوم

..

واريتها وسط الخرابه ياضوه العين

ورديت عنها الكربله بالألم يحسين

دوب دليلي هالسفر ماعندي معين

شيبت راسي كربله من كثر لهموم

..

يا صوب درب المشرعة ودوني يا ناس

باروح حالي اشتكي وبصرخ يا عباس

خليتني بولية عدو ومهبطه الراس

وإنت كفيلي يا شهم بالحرم جيدوم

..

دقعد يا قايد ناقتي ردني المدينة

ماحد بقى من عزوتي يحمي الضعينه

وإنت الجبتني بذمتك والعهد وينه

نايم بجنب المشرعه يا حيد متقوم