Embedded Files
دار العين شبل حسين
وحول حومة الميدان
********************
وشبح عينه الشهيد حسين خايف عالولد ميعود
يصفق راحت جفوفه ومن عنده القلب ممرود
من شاف الولد وحده وعليه انجمعت جنود
ماله معين شبل حسين
وحدة وسطت الميدان
********************
عزيز حسين ناداهم سمعوا يا هل الكوفه
براويكم حرب الأبطال حرب جدي المعروفة
يذكركم عزم حيدر وباقوض أنا صفوفه
بخلي الخيل وأهل الخيل
تسقط وسطة الميدان
********************
لخلي أبطالكم صرعى على التربان هذا اليوم
وحق حسين لتركها حمرا كربلا بالدموم
واخلي نهاركم مظلم وجرعكم اشد لهموم
صاح بصوت سيفي موت
تفروا وين ياعدوان
********************
خله ابدانهم ترجف لأكبر وسطت الحومة
وذكرهم حرب جده وصولاته المعلومه
وقلبه امن العطش يوقد ووحده يواجه اخصومه
لاجل الدين وابوه حسين
وعنه ابتعدت الشجعان
********************
ومن وصل أجل الأكبر دارت هالأعادي ألوف
صابه العبدي ابسيفه وتعفر وسط الصفوف
وصوت من بعيد يصيح ابنك صابته السيوف
وجاه حسين يهل العين
يصرخ وسطة الميدان
********************
على طول الشباب امتد وصاح بحزن خلوني
على الدنيا العفه يابني بيك اليوم فجعوني
ما ريد العمر بعدك لأكبر يا ضوه عيوني
يجر حسره أثر حسره
وصوته وصل النسوان
********************
يا الأكبر ذاب دلالي جرح راسك يألمني
بعدك صارت ابعيني الدنيا مظلمه يبني
يبني فتح اعيونك بوجهي لا تشيبني
انت سلوتي يانور دنيتي
وانت شمعة الصيوان
********************
ولف الأكبر وشاله ومده وسطة اخيمة
وليلى طلعت اتنادي ابني غارق بدمة
يا الأكبر خابت اطنوني وقعدت تنتحب يمه
وصار النوح بدمع مسفوح
وحوله التمت النسوان
********************
(الجزء الثاني – ص 50)
Page updated
Google Sites
Report abuse