مأساة العقيلة3

جيت امن الأسر للغاضريه

انشد وينكم يهل الحميه

..

جيت بعلتي دنهض يا مظـــــلوم

نزلنه كربــــــله بنـــزورك اليــــــــــوم

انظر عيلتك يم قـــــــبرك تحـــــوم

على خدها يخويه الدمع مسجوم

دقعد شوف لعيال وعاين أثر لحبال

يا شبل الوصي وروح الزجيه

..

بعدك يا عزيز الروح يحسين

صرنه بولية إعداك الملاعين

ونار الحقد شبوا بالصياوين

وفرت عيلتك وسط الميادين

خوية امنكسة الراس بعد البطل عباس

في وين الشهم راعي الحميه

..

من حرقوا الخيم تاهـــــت الأيتام

وخلوا الجامعه في صدر الإيمام

ما بيهم حـــــميه قتــــــوم ظلام

إخذوبنه أسارى البلدة الشـــام

صحت بقلب مالوم وين العزم يا قوم

ما واحد يخويه رد عليه

..

والشامات كلها سوت أعياد

على ذبحك يخويه قوم لوغاد

ذوب مهجتي إبنك الســـــجاد

يرفل يا خليصي بثقل لقياد

خويه شاب راسي من كثر المآسي

دخلونه على نسل الدعيه

..

بمجلس الرجس حسره ادخلوني

بين أجنــــــاب كـــــلهم ينظروني

وابقيدي يخويه امـــــــــوقفيني

شرقت بحسرتي وهلت عيوني

بعد عزي و دلالي صرت إبليه والي

يسميني الرجس ذي خارجيه

..

عباد الوثن ما رحــــــم حالي

حريم مسلبه ما ليها والي

وقدام الملا يشتم أطفالي

وينكت بالعصا سنك اقبالي

مربوطين بحبال صعبة أوصف الحال

كلها ظالمة زمرة أميه

...

مايو 2010م / جمادى الآخر 1431ه