Embedded Files
جيت امن السفر يا حسين
مـــــــا واحـــــــــد تلقــــــــــاني
مـــو آني العـــــــــزيزة اختك
جيف اليــــــــــــــوم تنساني
..
خويه جيتي من الشام رديت بحرم وايتام
جيت اشتكي همـــــــي قلبي ممتلي آلام
بالديـــــوان دشيــــــنه وعلينه صفقت لزلام
وآني زينـــــــب الحوره اطب الديوان ماسوره
خويه نكست راسي يزيد الرجس آذاني
..
جيت اليوم بحزاني امن الشام مألومه
رجعت بعيلتك دنظر لختك خويه مهضومه
شفت الويل يبن أمي امن الطاغيه وقومه
نواصب مرمروا حالي وأني حرمة بلا والي
شفت الهضم والذله يزيد الرجس آذاني
..
راسك فالطشت شفته قدام اللعين أيزيد
يمد ايده ويلوح الراس إلينه بالأذيه يريد
وحريمك بلا ساتر تتستر ابراح الأيد
اطفالك ترجف امن الخوف وبخذها الدمع مدروف
وسطه مجلسه يحسين يزيد الرجس آذاني
..
بأرض الشام بالذله بخرابه الوغذ خلانه
وخله الناس تتفرج علينه كلها فرحانه
ما جنه بنات أشراف اصنوف القهر راونه
علينه حاطت الصوبين معيده تصفق الجفين
خوارج يندهوا علينه يزيد الرجس آذاني
..
رجعت بعيلتك دقعد بخبرك وش جره بعدك
جينه من أراضي الشام وناخ الضعن عند لحدك
خويه قوم أسولف لك في غربه تركت اختك
أهل الشام آذوني وسط ديوان دخلوني
كلها بالفرح طلعت يزيد الرجس آذاني
..
يم قبرك يبو اليمه بنصب للعزى هاليوم
يوم الأربعين اليوم وصلنه قوم يا مظلوم
انظر حاله الحوره ابخذهه الدمع مسجوم
قلبي منفطر نصين ويسايل وين قبر حسين
قاسيت الهضم بعدك يزيد الرجس آذاني
..
ينور العين سامحني ترى رقيه ما جبناها
بنتك يا بعد أهلي في الغربه تركناها
ماتت في أراضي الشام قبل مدة دفناها
خويه تحيرت بيها من اللي يواريها
في وسطه خرابه هناك يزيد الرجس آذاني
..
جبت الراس يبن أمي بدفنه في القبر وياك
اسنانه مكسره كلها وغسله من نجيع دماك
يزيد الوغد كسرها اقبال العين بين اعداك
وستري راحت الجفين وآني انظره يحسين
وعليلك برفل بقيده ويزيد الرجس آذاني
..
أني عتبي على العباس خلاني بلا والي
مشيت اماسره للشام وحولي تصرخ أطفالي
من بعد الخذر يحسين هدوا سوري العالي
قبره وين ودوني بقله القوم ذلوني
بعد عينك يبو فاضل يزيد الرجس آذاني
..
باروح صوب المسناة وبقعد اسجب العبرة
وبصرخ آه يا عباس قلب اختك نفد صبره
قلبي من الأسى ذايب وبتعفر على قبره
طيفك دايم قبالي بعدك ما إلي والي
انهض للوطن ردني يزيد الرجس آذاني
..
يناير 2009م / محرم 1430 ه
Page updated
Google Sites
Report abuse