حنين الفراق

اناشد  من على مصابك وسيله

جرى دمعي على خدي وسيله

ام الحسن بالمحشر وسيله

وعلي الكرار حماي الحميه

.**************.

صاح بصوت يا ويلي وصوب الباب دار العين

الله يساعد الكرار عقبك يام حسن وحسين

....

ولزم بيده حسن وحسين وراح الروضه الزهوه

ويم القبر جرونه وعليها يسـجـب العبره

انه ماقر اظل بالدار و منـــج خاليه الحجره

الدنيه مظلمه بعيني من بعد يماي العين

....

يبت خير الرسل طه كــــنتي بلسم اجروحي

من رحتي لفاني الهم ودواي بالدمع روحي

نصبت النوح وسط الدار وذاب الصخر من نوحي

اسافه راحت الزهره وعمرها ماوصل عشرين

....

رحتي يا أم حسن وحسين ويلي والضلع مكسور

كــم بلوه وهضم شفتين من قوم الغدر والجور

يم بابــج لفت لشرار وبالنار الجزل مسعور

من راح النبي عنا شفنه الهضم من لثنين

...

شربنه هموم من شرهم روحي للنبي المختار

وقولي له يبويه القوم شبوا بابنه بالنار

وين العهد وين الود منهم ماشفت نغار

خلف الباب صحت بصوت من بطني وقع لجنين

....

وداك الرجس سل سوطه ولوعني على متوني

واني ايدي على ضلعي واصرخ آه رحموني

ماواحد رحم حالي يبويه القوم دلوني

يبو إبراهيم من بعدك مني كسروا ضلعين

ابريل 2011م / جمادى الأولى 1432 ه