Embedded Files
ماتت حزينة ياخلايق أم البنين
هذه الذي في كربله ضحت بالبنين
أولاد ليها أربعة مثل الشياهين
ما سايلت عنهم أبد تسأل عن حسين
----------------------
برض المدينة دوبهه تلطم على الراس
ان شاء الله بيض لوجهي البطل عباس
واسى أخوه حسين في امجاهد الأرجاس
ردوا عليه من قبل ميجيني البين
-------------------------
كل يوم تمشي المقبرة والقلب موجوع
وقبور ترسم أربعة واتفيض لدموع
وتصيح يولادي بعد ماليكم ارجوع
والبيت ظل خالي ومظلم بعد البنين
--------------------------
ياريت بس لينه رجع مهجة الهادي
جان المصاب أهون عليه يولادي
لكن نجحتوا بنصرته وانسر فؤادي
وارضيت عنكم دام راضي عنكم حسين
-----------------------
واترد لدار المرتضى والدمع سجاب
واتصيح ذبحوا مهجتك يا داحي الباب
والجسد ظل مرمي يحيدر فوق التراب
وزينب خذوها ميسرة ابولية ملاعين
---------------------
وقضت عمرها بالبواجي وفي عزية
تندب أبو السجاد آه يالغادرية
مني أخذتي كربله أهل الحمية
مارد واحد للوطن وافجعة البين
-----------------------
بس العليل اللي رجع أرض المدينة
ويه حرم ويتام تلعي مدوبينه
باقي ضحايا كربله ربي يعينه
مكسور قلبه ومنتحل اخليفة حسين
------------------------
خادم أهل البيت (ع) الحاج يعقوب القصاب
يونيو 2008/ جمادي الأول 1429هـ
(الجزء الثاني – ص 80)
Page updated
Google Sites
Report abuse