أول شهيد

لكبر راح للحومة ظامي والقلب لهفان

وزلزل كل نواحيها وفرت خايفة الفرسان

-------------

شبل حسين في الحومة يشبه جده الكرار

ذكرهم بدر وحنين طشرهم يمين ايسار

حتى الأرض زلزلها تحت أقادمهم الأشرار

يا أهل الغدر والجور ما بيكم أبد احسان

-------------

هذا حسين وعياله ظلوا بالعطش هاليوم

وانتوا تدعو الإسلام وينه اسلامكم ياقوم

جبتون الأذى لينا يا عدوان دايم دوم

وصاكم رسول الله وخنتم يابني سفيان

-------------

وجاه الوغد من خلفه وشطر هامته شطرين

وظل محتار بالحومه ياويلي عزيز حسين

وخر للقاع يتعفر ودمومه تخر صوبين

وعليه القوم فرحانه وهو طايح على التربان

--------------

طاح وصاح يابويه ادركني يبو اليمه

وجاه حسين للحومة وشافة غارق ابدمه

صاح بصوت ياويلي تخليني وجلس يمه

يا شبه النبي الهادي قوم اوياي للصيوان

-------------

مقدر انظرك عالقاع يبني ذاب دلالي

وشلي بالعمر هاليوم يابه وانظر أحوالي

عليه أظلم الوادي بعدك ياضوى هلالي

وزينب تجر حسرتها تندب داخل الصيوان

-------------

من لف الولد شاله راجع بيه لمخيم

لمن شافته ليلى لكبر راسه امهشم

صاحت آه ياويلي واعليها الحزن خيم

قامت تحن وتنادي راح الولد يانسوان

-------------

جته واوچبت يمه تجر آهات حسرتها

وشقت جيبها بالحال ويلي وتهل دمعتها

ولكبرعالثرى مطروح وعليه انچوت چبدتها

خليني اموت اوياك ياشمعة بني عدنان

-----

ذو الحجة 1438 ه - سبتمبر 2017 م