فزت خايفة تصيح

بأرض الشام عافتنه رقية .. بأرض الشام عافتنه رقية

..

ودي وياج يا عمه سلامي

للي بكربلا مذبوح ضامي

قولي لخوتي ويه أعمامي

بأرض الشام عافتنه رقية

..
ليهم كربلا لمن تروحين

وعند قبورهم عمة تنوحين

ومن حولج يعمه هالنساوين

ذكرى مصيبتي وابجي عليه

..
خبري والدي يا بنت الأطياب

ارقية قضت في بلدة أجناب

وتوارت يخويه تحت لتراب

وقولي هالدهر جاير عليه

..

راسك جابته ياخويه الأشرار

وحطوه بحجرها والقلب طار

وظلت تنتخب والجمع نثار

وفاضت روحها بين الزجيه

..

بأرض الشام عافتنا الصغيرة

وعنها جيت يا شيخ العشيرة

على السجاد واراها بحفيرة

وضجت هالحرم كلها سوية

..

خلصت روحها يا مهجة الروح

وعلينه زيدت يا خويه لجروح

 وذابت مهجتي من كثرة النوح

آذاني الدعي وابن الدعيه

..

شفت الضيم خويه من بعدكم

ما واحد سأل يا حسين منكم

 صرت محيره خويه بحرمكم

بين أجناب يا باقي البقية

..

جيتك كربلا أشكي أحوالي

من جور الدهر بعدك ياغالي

حرمه مدللة من غير والي

عتبي عالدهر هالخان بيه

..

أغسطس 2015م