ضعن الأسارى

آه يحسين آه يحيسن

يعمه يسأل الحادي          يقلي يا درب تردين

واحد للمدينة يروح              و ثاني كربله لحسين

-------------------

صاحت قول للحادي ارض الطف يمر بيها

يعرج بالضعن يبني و ينزل صوب واديها

كل العيله مشتاقه تريد تزور أهاليها

عافتها على التربان بدماها بلا تكفين

-------

و عرج بالضعن ويلي ولاحت كربله ليهم

و صارت للحرم ضجه و نار الحزن تچويهم

و نزل بيهم علي السجاد صوب اقبور اهاليهم

و زينب تهل عبرتها تسايل وين قبر حسين

-------

دلوها على قبره و قعدت تجر حسرتها

و تنادي عزيزي حسين و تشكي هضم غربتها

خوية حسين ذلوني و أهل الشام زادتها

خوارج يندهو إعلينا و كل من يصفك الچفين

-------

و دخلنا الشام يا مظلوم و علينه نشروا لعلام

ثلاث ساعات خلونه عند الباب بالآلام

مچتوفين يبن أمي و حولي تصرخ الايتام

و حريمك مالها ساتر و سترها راحة الچفين

------

هذي الجوع تشكي لي و هذي تصيح يا عمة

جلدني الحادي ابسوطه و صاب اعيوني باللطمة

و هذي اقناع تطلبني و محتارة يبو اليمة

قضيت ايام تعبانه و راسك شاهدي يحسين

------

ورجعت اليوم يا مظلوم خوية من أراضي الشام

دقعد شوف حال اختك و حال الحرم و الايتام

كلها مروعه يحسين جتك تلطم على الهام

بعدك ما شفت راحه مهضومه و تهل العين

------

خوية من السفر رديت هذا اليوم مالومه

طول اليل سهرانه و عيني ما رأت نومة

وبين اجناب دشينه و نظرنا الفاجر و قومه

و ينكت سنك اقبالي و يشمت بي يخوية حسين

------

يم قبرك اريد اقعد و انصب ما تمك هاليوم

رجعت اليوم بأحزاني خوية و الدمع مسجوم

باب القبر في وينه بنام وياك يا مظلوم

عمري ما اريده يطول من بعدك يماي العين

_________

يا خوية بقيت اليوم حرمه ومالها والي

حسره من بعد لخوان يا هو بعد يبرا لي

بس دوبي أجر ونه بالطف راحت ارجالي

راح حسين والعباس ياويلي فجعني البين

محرم 1441 ه

سبتمبر 2019 م