زينب والحادي

وشحال العقيله اليوم حين الصاح حاديها

يزينب لمي العيله وفوق النوق خليها

ماليها بعد والي ذبحنه كل أهاليها

وعليهم ذايب افادچ وشبينه الخيم بالنار

_______

صاحت آه يا ظالم إرحم عيلة المظلوم

حريم امسلبة كلها خلها يارجس هاليوم

غيره ليش ماعندك وين اسلامكم ياقوم

عنه روح ياهذا لونادي لك الكرار

_______

وشال السوط ولوعها يا أخت الحسن وحسين

لو تبقين الى باچر مايرجع إليچ حسين

كفيلچ راح يا زينب و منه مقطعة الچفين

وذبحنه حسين من بعده ياضنوة علي الكرار

_______

ماليكم بعد والي وبيكم بسلك الوادي

رحمه أبد ماعندي عليكم عترة الهادي

منكم بنتقم هاليوم بطفي جمرة إفادي

وباچرندخل الكوفة وراسچ ما عليه اخمار

_______

وشال الضعن للكوفه ومر بيها على الوليان

لمن شافت الوالي بدمومه على التربان

صاحت آه ياويلي اخويه بلا غسل وأچفان

والسجاد يمها ايصيح وينك ياعلي الكرار

------------

تعال وشوف حالتنه احسينك بالشمس مطروح

وعاين حالة الحورة ذابت بنتك امن النوح

يمي واقفه واتصيح ياويلي على المذبوح

شلون حسين اعوفنه وأمشي في أسر كفار

_______

وصاح الشمر يازينب ماينفع بعد لصياح

قومي واركبي الناقه عزچ ياوديعه راح

طحتي اليوم في ايدي وبازيدچ ألم وجراح

من بعد الخدر هاليوم مسبية على الأكوار

_______

ذو الحجه 1439 ه

سبتمبر 2018 م