العشرين من صفر

زينب لفت وتصيح ياراعي الحمية

اقعد وعاين حالتي وشصار بيه

______

رديت خويه الكربله والراس شايب

والجسد مني منتحل والقلب ذايب

بعدك يا ماي العين قاسيت المصايب

عزي ودلالي راح برض الغاضريه

______

ياهو مثل زينب يخويه قاست اهوال

ادخل على ذاك الرجس وبأيدي احبال

وأحبس ادموعي وأنتحب ما بين لرجال

وبين الملا ويصيح جتنا الخارجية

______

شفت المصايب والقهر في بلدة الشام

ورأسك يخويه عالرمح منصوب قدام

ماحد رحم حالي ولا حالة هالأيتام

ذوب دليلي هالرجس نسل الدعيه

______

يحسين آذوني العدى من عقب فرقاك

ياليت خويه بكربله مذبوحه وياك

ولا امشى خويه اميسره في ولية إعداك

شفت المذلة والهضم من آل اميه

______

واعظم عليه طبتي ديوان سفيان

والرجس من فوق التخت ينظر النسوان

وراسك أقبالي لوحّة الباغي مروان

والشمر جالس في كتر يضحك عليه

______

وظلت تنادي والقلب مليان بجروح

سجاد وديني القبر يا مهجة الروح

بازور هلّي بكربله عطشان مذبوح

ويم القبر هاليوم باسوي عزيه

______

وصّلت قبره وأعولت ست النساوين

ولحسين اخوها تشتكي والقلب شطرين

وتصيح اذاني الدهر ويلاه يحسين

في الشام ياخويه ترى ماتت رقيه

______

ودارت بصرها عالنهر والقلب مالوم

عباس جيت من الأسر دنهض يجيدوم

ماني الوديعه أبذمتك من بحر لعلوم

ترضى عليه انسبي واركب مطيه

______

الحاج يعقوب القصاب

ذوالحجه 1439 ه

أغسطس 2018 م