Embedded Files
نادى محمد والدمع بالخد نثار
زينب يا خيه خبريني ويش جرى وصار
______
صاحت يخويه لا تسايل عن هالحوال
هاي المصيبه ذوبت حتى هالجبال
هالرجس داس حسين ياخويه بالنعال
والراس حزه وارتفع من فوق خطار
______
وماجت اراضي كربله بالأنس والجان
والشمس غابت واظلمت يا حيد لكوان
احسين برض الغاضريه مات عطشان
والخيل داست جثته وما عنده انصار
______
والخيم بعد حسين كلها وجروها
وذيڄ الحراير يوم طبوا فرهدوها
واللي تنادي آه ابدا ما رعوها
ولطفال فرت خايفه من شبوا النار
______
والهزل جابوها إلينا ياضيا العين
والحرم تندب خايفه وتبكي على حسين
وظليت انادي ماترحموا هالنساوين
راحت ارجالي وما بقى هاليوم نغار
_______
وبعيلة المظلوم شال الظعن لشام
ليتك تنظر حالتي في اسر ظلام
ويه حريم حسين يمحمد وليتام
دايم انعي وانتخي وينك يكرار
______
ورديت خويه من الاسر والراس شايب
والجسد مني منتحل والقلب ذايب
فوق الهزل للشام عانيت المصايب
دايم علينا هالدهر جاير وغدار
______
ظل ينتحب ويصيح بسي يا حزينه
من عقب ذبح حسين ورجاله وبنينه
تحرم عليه قعدتي بارض المدينة
ذوبتي افادي يضنوة حامي الجار
______
جمادى الأولى 1439 ه
يناير 2018 م
Page updated
Google Sites
Report abuse