Embedded Files
اهـ يحسين اهـ يحسين
يعمه يسأل الحادي يقلي يادرب تردين
واحد للمدينة يروح وثاني كربله لحسين
..
صاحت قول للحادي
أرض الطف يمر بيها
يعرج بالضعن يبني
وينزل صوب واديها
كل العيله مشتاقة
تريد تزور أهاليها
عافتها على التربان
بدمها بلا تكفين
..
وعرج بالضعن ويلي
ولاحت كربله ليهم
وصارت للحرم ضجة
ونار الحزن تجويهم
ونزل بيهم علي السجاد
صوب أقبور أهاليهم
وزينب تهل عبرتها
تسايل وين قبر حسين
..
دلوها على قبره
وقعدت تجر حسرتها
وتنادي عزيزي حسين
و تشكي هضم غربتها
خوية حسين ذلوني
وأهل الشام زادتها
خوارج يندهو إعلينا
وكل من يصفك الجفين
..
دخلنا الشام يا مظلوم
وعلينه نشرو لعلام
ثلاث ساعات خلونه
عند الباب بالآلام
مجتوفين يبن أمي
وحولي تصرخ الايتام
وحريمك مالها ساتر
وسترها راحت الجفين
..
هذي الجوع تشكي لي
وهذي تصيح يا عمة
جلدني الحادي ابسوطه
وصاب اعيوني باللطمة
وهذي اقناع تطلبني
ومحتارة يبو اليمة
قضيت أيام متعذبة
وراسك شاهدي يحسين
...
رجعت اليوم يا مظلوم
خويه من أراضي الشام
دقعد شوف حال أختك
وحال الحرم والايتام
كلها مروعة يحسين
جتك تلطم اعلى الهام
بعدك ما لقت راحة
مهضومة وتهل العين
..
خوية من سفر رديت
هذا اليوم مالومه
قضيت إليالي تعبانة
وعيني ما رأت نومه
وسط ديوان دخلوني
ونظرنا الفاجر وقومه
وينكت سنك اقبالي
يشمت يخويه حسين
...
يم قبرك اريد اقعد
وانصب ماتمك هاليوم
رجعت اليوم بأحزاني
خوية والدمع مسجوم
باب القبر في وينه
بنام وياك يا مظلوم
عمري ما اريده يطول
من بعدك ينور العين
...
مارس 2006 م / صفر 1427 ه
Page updated
Google Sites
Report abuse