مصرع الأكبر

ليله يم جسد لكبر تصيح وتلطم الخدين

يبني ذوبت جــــبدي وخليت القلب نصين

أني أمك يبعد الروح حاجيني يا شبل حسين

يالكبر فتح اعيونك وانظرني يانور العين

وقلي من طبر راسك ابسيفه وخمد انفاسك

ومنهو اللي سلب طاسك لكبر يا نظر عيني

.....

يا شبه النبي المختار انظر حالتي يمك

يلب احشاي جاوبني اني الحنونة أمك

اصب ادموع يوليدي واغسل بالدمع دمك

روحي يالولد بتروح من اصواب جسمك

يبني ذاب دلالي ويش أفعل إني بحالي

جريح امدد إقبالي لكبر يا نظر عيني

.....

اشكد قلبي يتحمل واشوفك عالثرى مطروح

تحن وتصيح يايمه من كثرت ألم الجروح

مقدر احبس ادموعي جاوبني يا بعد الروح

أنينك ذوب افادي وروحي من الجسد بتروح

ابقلبي نار تتوقد ياشبه النبي أحمد

جسمك عالثرى امدد لكبر يانظر عيني

......

صاح احسين يا ليلى كثر البــــــجه مايفيدج

انا قلبي مثل قلبج متقطع على وليدج

هذا اليوم يا ليلى لكبر راح من أيدج

ويش بيدي يا محزونه ونتي بعد ويش بيدج

هذا الزمن دولبني ابسهم البين صوبني

امصاب الولد ذوبني لكبر يانظر عيني

.....

لكبر غمضت عينه وليله جالسه يمه

خلت تسفك الجـفين مات ابني يبو اليمه

وحسين ارتفع صوته وزينب جاته بهمه

وشافت العزيز ينوح متخوصر على جسمه

وزادت صيحه النسوان تندب وسطة الصيوان

على خدها الدمع غدران لكبر يا نظر عيني

.......

زينب لفت يم حسين وبخدها الدوع مســـجـوم

أدري مصبتك صعبه خليصي اليوم يا مظلوم

الله يعين دلالك بمصاب الولد هاليوم

خويا تكسر الخاطر صرت محتار وسط القوم

قلبي امتلى بجروح مثلك ياعزيز الروح

عن القدر وين بتروح يبو الأحرار يا عيوني

....

وممدد على طوله وضع خده على خده

وصاح بصوت يا زينب ماريد العمر بعده

على الدنيا العفى يختي كدر خاطري فقده

علينا نصبي الماتم بموت اليوم انا عنده

صاحت يا عزيز الروح لو منك تروح الروح

بعدك وين إحنا نروح يبو السجاد يعيوني

2009 م / ذو القعدة 1430 ه