كعبة الأحزان

ظلت تنادي والقلب فايض بالأحزان

وتهل دمعها فاقدة هاليوم الأخوان

..

ياهو يودي خبر هاليوم المــــــــــدينة 

يخبر الهادي وبضعته بذبحة ولينه

احسين ظــــل ابكربله جثـــــه رهــينة 

حزوا وريده وارتفـــــع راسه بالسنان

..

وجسمه على حر الثرى عاري بلا ثياب 

ودموم نحره ظلت اتصب فوق لتراب

والنار ظلت تشتعل في وسط الأطناب 

والحرم فــــــــرت خايفه تطلب الوديان

..

وعرجوا على قبر الحسن باللطم والنوح 

وقولوا لبو محمد أخوك حسين مذبوح

مذبوح برض الغاضـــــــرية وظل مطروح 

انهـــــض وواري جثته وادرك النســـوان

..

وحشم بني هاشم يجون الغاضرية 

يرفعون جسم حسين عن حر الوطية

جسمه امــــوزع من اطــــراد الأعوجية 

دبوا العمايم يا بني هاشم وعدنان

..

ومروا على محمد وقولوا له بعجل قوم 

عز الهــــــــواشم منذبح دنهض يجيدوم

واقصد أراضي كربله يا شـــــهم هاليوم 

وانظر الحـــــــورة حــــــــايره مابين عدوان

..

والحق عليها مــــن قبل تمشي أسيرة 

ماعندها والي من بعد شيخ العشيرة

راحــــــت أهلها بكربله ومحــــــــتاره حيره 

ودارت عليها قــــــــــوم عبادة الأوثــــان

..

فبراير 2013م / ربيع الأول 1434 ه