زينب تنشد المظلوم 

زينب تنشد المظلوم    ما جى وياك وافي الباس

و حدك جيت يبن امي     وفي وين البطل عباس

ليكون العدى صابوه      يعيوني ابعمود الراس

امدنق راسك او ساكت       ذوبت القلب يحسين

 *****

تجر حسره بأثر حسره     و دمك و الدمع مسفوح

قلها انجدل يا زينب            و يمه بيرقه مطروح

و شفته مزقوا جوده          و هو يلفظ بقايا الروح

و ايسي للخيم ميعود      يختي قطعوا الكفين

 *****

صرخت آه يالوالي     ابو فاضل تخلونه

ودني المشرعة باشيل     بيدي السهم من عينه

و نجيبه وياك للخيمه     بلكت يرجع اونينه

خلنا انهف على اجروحه     بلكت لي يفك العين

***** 

وردت تنشد النسوان       قومن نصبن الماتم

و أيسوا ما يرد الماي      راح القمر من هاشم

هاللي يكفل العيله       ظل اعلى الثرى نايم

و لا وحده اريدنها     تمشي و تبكي عند حسين

 *****

 ولن حسين ناداهن    قمن و دعوا يا نسوان

يسلبونكم بلا رحمه        و عليكم يحرقوا الصيوان

هذي تطلب ارداها    و هذي امدده ابتربان

و حفظي عيلتي بعدي        يبنت المرتضى بالعين