يا كفيلي

آني زينب بنت علي ترضى خويه أنولي

يا كفيلي يا كفيلي

..

جيت خويه الكربله جيت ويه العايله

وحدي قاسيت البله وآني حرمه مدللـه

ما أظن ترضى هلي أمشي ابليه ولي

يا كفيلي يا كفيلي

..

خوف قلبي يضظرب طول يا خويه الدرب

ماشيه ويه الغرب غصب ياليث الحرب

ترضى يا ضنوة علي بيد ظالم أنولي

يا كفيلي يا كفيلي

..

جيت خويه بحسرتي ونار تلهب مهجتي

المن أشكي ذلتي صعبه والله سفرتي

مابقى عندي ولي فاقدة جملة هلي

يا كفيلي يا كفيلي

..

ظهري نصين انقسم وجر آهات الهظم

التفت صوب الحرم لو طفل فته اليتم

راح عباس وعلي ما احد يبرى الي

يا كفيلي يا كفيلي

..

أبجي ابلوعه وحزن آه من جور الزمن

بعد حماي الضعن ومن يردني للوطن

حرمه ماعندي ولي وين قومي وكل هلي

يا كفيلي يا كفيلي

..

يالي نايم عالنهر خويه لوعني الدهر

هد ركني هالسفر وانحنى مني الظهر

أشكي همي للعلي منهو مثلي مبلتي

يا كفيلي يا كفيلي

..

ارد واندب بالعويل منفطر مني الدليل

مابقى ليه كفيل غير ياخويه العليل

الوطن منكم خلي دوركم ظلمة هلي

يا كفيلي يا كفيلي

...

28 يناير 2011م / 23 صفر 1432 ه

كربلاء المقدسة