عيله تحيرت بيها

أنا زينب أحن وأندب

بعد فقدك يواليها

صرت اليوم يا مظلوم

وحيده ما أحد ليها

وحشة ليل وعندي عليل

يتامى من يباريها

خويه حسين مالي معين

حريمك من يسليها

تصك بالراح فوق الراح

مصايب من يقاسيها

حرق لخيام ضرب ليتام

أسافه راح واليها

دليلي ذاب بين أجناب

رحمه أبد مابيها

حريم تنوح يا مذبوح

خويه شلون أهديها

صحت بصوت ليت الموت

ولا طبيت واديها

صكني البين فوق العين

جروحي من يداويها

بعد ذبحك وحيدة أختك

أسيره بيد أعاديها

دهر غدار علينا جار

العتره وش فعل بيها

إلى الطاغي ندل باغي

هوان وذل يراويها

تحن بالويل دمعها يسيل

نار وحزن جاويها

قلب مجروح وين اتروح

حرمه بعد أهاليها

علي وينه يجي لينه

زينب راح واليها

برض الطف تصك بالكف

مصايب حلت إعليها

تعب قلبي وحق ربي

يحيدر ماتجي ليها

يداحي الباب راسي شاب

مدري ويش تاليها