لمن هجمت العسكر3

طلعت الحورة من الخدر تصرخ يا عطشان

أنهض يخــــويه بالعجل هجمت العـــــدوان

..

زينب على التل أوقفت واتصيح يحسين 

هجمت علينه الغاشمه وسط الصياوين

لطفال فـــــــرت والحــــــرم ما أدري لاوين 

بس العليل اللي بقه في الخيم وجعان

..

يا مهجة الفارس علي خـــــواض لهوال 

جيتك يبن حامي الحمه مدهوشة البال

ادرك يخـــــــويه نسوتك وادرك هالعيال 

من الخوف فرت للفضا وسطة الوديان

..

صاح بضعيف الصوت يختي دعذريني 

السهم قطـــــــع مهجتي لا تتعبيني

وطلعته من ظهري يا زينب سامحيني 

الله يعينج يا حــــــــزينه مالج أعـــــــوان

..

ردت ابحسرتها تحن والقلب مــــــالوم 

تتعثر ابديل الأسى واطيح وتقـــــوم

ياليت صرت املحده ولا شوف هاليوم 

أمسيت حرمه بلا ولي من بعد لخوان

..

ولطفال هامت خايفه منهو إليهم 

بين التـــــلال تحــــــوم وادور عليهم

ضاعت أيتام حسين في وينه وليهم 

وين العشيرة والأهل من آل عدنان

..

يشوفون عزنا ذابحينه بأرض الطفـــــوف 

واتصور امصاب الجرى واصفق بالجفوف

والحرم سلبوها العدى والستر لجفــــوف 

حرمه ضعيفه وضــــــايعه مابين عــــدوان

..

ذو القعدة1430 هـ