وفاء العباس (ع)

كر وصاح في الأرواح

وزلزلها كفو عباس

صاح ابصوت سيفي موت

تفروا وين يا أرجاس

شبل حيدر خلاصة در

جمرة غضا ماتنداس

صال وجال ذهل لبطال

وسط المعركة عباس

......

صرخ في الجيش بسكم طيش

تدنوا إلي ياعدوان

هذا اليوم تسيل ادموم

منكم يابني سفيان

شهر سيفه وخذ حيفه

وفرت خايفه الفرسان

خساسه هاي تمنعوا الماي

وعندنه بالخيم رضعان

.....

قمر هاشم عيا الغاشم

شتتهم شمال يمين

راعي الجود نزل بالجود

واذكر أخوه حسين

مهي مروه أنه أتروه

وقلبه من العطش نصين

خل هالروح مني تروح

فدوه للوحيد حسين

....

بطل جيدوم هابه القوم

وبيده إترفرف الراية

عهد عنده يفي بوعده

وحول للمسنايه

ألف نعمين واسى حسين

وملأ جوده من مايه

وشق الصفوف وعداه اتشوف

كيف يصول بالرايه

....

أطفال حسين وسكنه وين

تعالوا واشربو منه

أجو يمه استوت زحمه

وصارت بالخيم رنه

وسال الماي امصيبه هاي

ولنها خابت الظنه

علا لصياح بجه ونياح

وما واحد شرب منه

....

قلب ضامي دمع هامي

تصيح الماي ياعمه

وبجت زينب دمعها يصب

قلبي داب يايمة

شعبتو الروح قومو نروح

لعمكم ونتخو يمة

ودار العين صوب حسين

رخصني يبو اليمة

...

أكتوبر 2010 م / شوال 1431 ه