يا قتيل العبرات

واحسينا   واشهيداه واحسين

..

لا وحق اللي ضلعـــها منكسر 

مانعوفك سيدي وإنته الدخر

إحنا مجبولين في حب الطــهر 

لو يكلفنه الولاء حز النــــــــــحر

اشعاد لو نبكي على طول السنين 

فدوى لك الأرواح تتلف يا حــــسين

..

شلون ننسى سيدي باللي جرى 

في أراضي الطف ضامي عالثرى

تنتحب وتصــــــــــيح جبدي مفطره 

والسهم يحسين دمــــــــك فجره

وحاطت ابجسمك جيمع الحاقدين 

والشمس تصهر جبينك يا حسين

..

وتجذب الونه على حـــــر الصعيد 

وبالسيوف اتبادروا عسكر يزيد

والشمر جـــــالك ويتـــــوعد وعيد 

وهبر أوداجك وحــز ويلي الوريد

والأرض ترجـــــــف وهلها خايفين 

والأفلاك تعطلت لجل الحسين

..

امصيبتك يحسين فتت للصخر 

مامثلها فاجـــــعة بكل الدهر

وصار واجبنه على مـــــــر الدهر 

ننصب الماتم وندق عالــصدر

احنا خدامك على طول السنين 

خل يسمونه روافض يا حسين

..

وهالعزه يبقى على مر الزمن 

سيدي لو ندفع ابدمنه الثمن

صابرين اعلى النوايب والمحن 

شيعتك يحسين دايم في حزن

ونواسي فاطمة بدمعة العين 

أبد ماننسى مصابك يا حسين

..

ومانخلي زيارتك بأرض الطفوف 

تزحـــــف الـــــزوار آلاف الألـــــــوف

وتلثم الأعتاب وتلبي وتطـــــوف 

يا الذي جسمك تودر بالسيوف

ويسمع العالم نداء العاشقين 

صــــوت زوارك تنادي يا حسين

..