وفاة الكرار

شالو جثة الوالي صوب النجف ودوها

شالوها باللطم والنوح وسط القبر واروها

وفوق القبر ياويلي ادموع العين هلوها

واولاده حسن وحسين منهم ذابت الألباب

----

عنه راحت الأفراح يادرع النبي المختار

وين العيد يابويه من بعدك يجامي الجار

خلانه الدهر هاليوم ننصب لك عزا في الدار

يافارس بدر وحنين وبخيبر دحيت الباب

----

عليهم أظلم الوادي ومنهم انحنت لضلوع

كلمن ذايب افاده رشوا القبر بدموع

تبقى للأبد يا ياب لو لينا إليك ارجوع

ومحمد وبو فاضل ابخدهم دمع سجاب

----

ردوا الدار ساداتي وشافوا زينب الحرة

تجر ونات و تنادي ظلمه صارت الحجرة

صارت مظلمة ها اليوم من بعده أبو العترة

راح اليوم راعيها و أثر في القلب لمصاب

----

قال الحسن يا خيه ساعة فتري ها النوح

مثلج ذايب إفادي زينب يا بعد ها الروح

هذا اليوم يا خيه علينه منكتب في اللوح

و فوضي أمرك الباري خيه يا بنت لطياب

----

صاحت آه يا ويلي قلبي بنار يتتوقد

روحي للولي فدوه يمي شفته أمدد

شلون النوح أعوفنه قلي يا أبو محمد

وسط الدار يا خويه و اسمع ونة المحراب

----

و الأيتام خلف الباب تصرخ راح واليها

تجر حسرات و تنادي بعده ما أحد ليها

خويه من بعد عينه يا هو اللي يباريها

ها اللي دوم يرعاها اتوارى تحت لتراب

----

لكن من بعدها اليوم أرض الوطن ردوني

ودوني لقبر أمي بهمي دمعة عيوني

و أبث هناك أحزاني فوق القبر خلوني

بقلها مات يا زهرة هاللي مزق الأحزاب

----

الحاج يعقوب القصاب

جمادى الأخرى 1437ه

إبريل 2016م