جسام يبني

رملة تحن وتصيح يا ضنوة المسموم

عوف العرس يمدللي وانصر المظلوم

جسام ماتقوم..... عمك شعبني

جسام يبني

------------- 

متشوف عمك يالولد   يطلب النصرة

محتار مابين الخيم  والقلب جمرة

تكسر الخاطر وحدته  مهجه الزهره

راحت ارجاله بكربله  وانكسر ظهره

حاير يلا معين.......ويلي على حسين

جسام يبني

..........

يا شهم داوي علتي  والحق أعمامك

والعرس خله يالولد   جرد احسامك

والروح قدمها فدى  تحصل مرامك

كل الشباب ابكربله  صرعى أمامك

صرعى على القاع........والقلب مرتاع

جسام يبني

........

قاعد امدنق يالولد  حيرت لفكار

ماتليق يبني قعدتك  انهض يمغوار

عمك وحيد ابكربله  ماعنده أنصار

صوب الخيم يمدللي  تزحف الأشرار

قلبي ارتجف خوف.....تزحف بالألوف

جسام يبني

........

اقسم عليك ابلبن  صدري اللي شربته

والشهر طول الليل  يا جاسم سهرته

أهز مهدك قاعدة  قلبي شعبته

قوم ابعجل قوم......وانصر المظلوم

جسام يبني

........

متروح يبني للولي   لا تبقى حيران

أطلب الرخصه للحرب  وانزل الميدان

غيرك ييمه مابقى  داخل الصيوان

كلهم تفانوا يالولد  والقلب ولهان

كني أرى اليوم.......اخضابك دموم

جسام يبني

.........

دوب دليلي سيدي  واقف ينادي

محتار ماعنده أحد  والقلب صادي

وينظر أصحابه عالثرى  مهجة الهادي

والحورة تندب بالخيم  ذايب افادي

وينك يبوحسين......واتعاين احسين

جسام يبني

........

نصرة الوالي بكربله  هاي السعادة

كلمن نزل للمعركة  نال الشهاده

احسين ضحى بخوته  ويه اولادة

بس العليل اللي بقى  ذايب افاده

ماحد بقى اليوم.......ينصر المظلوم

جسام يبني

15-9-2012م  / 28 شوال 1433 ه