يوم عاشوراء

دارت عينها وتصيح ودمعتها على الخدين

صوب النجف وتنادي وينك يا ابوالحسنين

*********

بقيت اليوم يابويه وحدي والقلب مرتاع

يبويه انجوم لمخيم مذبوحين فوق القاع

وليتك تنظر الحالي وراسي ما عليه اقناع

ظلينا بلا والي من بعد الشهيد احسين

***

من بعد الخدر هاليوم صرت ابولية العدوان

وخيمه مابقت عندي فيها اجمع النسوان

ويتامه احسين يابويه فرت بين هالوديان

ومدري وين ملفاهم وقلبي منشطر نصين

***

ولمن اشتكي حالي راح احسين والعباس

ومحتاره يابو اليمه حرمه في وسط هالناس

عني راح لمحامي يا حيدر وخدري انداس

وانت غوث لمنادي يابويه فجعني البين

يبويه ماتجي واتشوف شنهي حالتي هاليوم

وادرك عيلتك يا حيد صرنا في ايادي القوم

يحيدر ماتسل السيف يالي في الحرب جيدوم

ترضى القوم تسبينا وانته چاتل العمرين

***

ولنا ابصوت ناداها يازينب دريت الصار

وياكم انا هاليوم ياضنوة علي الكرار

وشفت الخيم محروقه شبوها العدا بالنار

وعلى التربان يا زينب ابعيني نظرت احسين

***

وسكنه اتصيح ياويلي ذاب القلب ياعمه

هالي دوم يرعانه طايح غارق ابدمه

وماعدنا بعد حامي وعلينا جارت الأمه

دون الناس قصدونه يا أخت الحسن وحسين

***

ذوالحجه 1441 ه

يوليو 2020 م