أنصار العقيدة

من خيرة الانصار نصروك يحسين

منهم عبيد اتقدمت واحرار يحسين

إلتمت اليوم    عندك يمظلوم

ينصرك يحسين

**********

يحسين إلك أنصار اااه إصطفاهم

من عالم الذر من قبل ثبتوا ولاهم

واليوم دونك في الحرب سفكوا دماهم

يلفون وادي كربله ونالوا مناهم

تثبت ولاها    يحجي دماها

تنصرك يحسين

**********

عافوا وطنهم والأهل وتعنوا اليوم

نصرتك يبن المرتضى الكل ملزوم

تطلب الرخصة للحرب منك يمظلوم

أرواحهم فوق الأكف واتحارب القوم

تمحي الكتايب وسط الحرايب

تنصرك يحسين

**********

شبان باعوا للعمر وشيوخ لنصار

يتهافتون اعلى المنية رفضوا العار

يبن البتوله فاطمة وحيدر الكرار

ليلة العاشر تجتمع عندك الانصار

الله يصبرك    تنتظر أمرك

تنصرك يحسين

**********

يحسين آمرنه نطب حومة الميدان

بسيوف مسلوله وعزم بنهز لكوان

الموت مانهابه بعد تسمع العدوان

بندب عنك يالولي لا تبقى حيران

بنضحي اليوم دونك يمظلوم

ننصرك يحسين

**********

وعباس يمه ينتخي يبين الشفيه

مالي صبر يحسين ياشبل الزجية

من بويه حيدر سيدي عندي وصيه

أنصرك يبن الطاهرة في الغاضرية

خل تنظر القوم حملاتي هاليوم

بنصرك يحسين

**********

وحسين ينظر حالته ويصعد أنفاس

شلون تتركني أجل يا صعب المراس

لاتفجع الحورة بعد دصبر يا عباس

صاح البطل يحسين تسمع هالارجاس

ارخصني باروح افديك بالروح

ينصرك يحسين

**********

حتى الرضيع إيصيح لبيك يحسين

محسوب من النصار يا عز المسلمين

نحره بسهم ينجرح يا نجل الميامين

مذبوح وترده الخيم بس تدمع العين

مجروح قلبك الله يصبرك

بمصابه يا حسين

**********

لخادم أهل البيت (ع)

الحاج يعقوب القصاب

ذو الحجة 1430هـ/ 2009

(الجزء الثاني – ص 30)