Embedded Files
يعمه رد جواد حسين ويحمحم
يصهل بالظليمة بصوت متألم
ومنه السرج خالي وصابغ بالدم
أظن حسين والينه وقع مصيوب
--------------------------
من الخيم اطلعن بقلوب موجوعة
ولاحظنه الجواد أو تجري دموعه
يدق رأسه وزينب تحن مفجوعه
يامهر احسين خبرني وقع ياصوب
--------------------------
قال اليها بلسان الحال يازينب
على حر الصعيد ابدمه متخضب
صابه السهم قلبه وظل يتقلب
قلبك لوتشوفينه غصب بيذوب
--------------------------
تقل اشحالته قلبي امتلى بهمه
قالها طاح والعدوان اجت يمه
لحقوا عليه بذبحونه أبو اليمه
راسه بيقطعونه تجمعوا كل صوب
--------------------------
يازينب اجمعي العيله ولميها
قبل خيل الاعادي تهجم اعليها
لاظنين رحمه اقلوبهم بيها
كم ارده وكم اقناع يظل مسلوب
--------------------------
طلعت بين وحده اتقوم وحده تخر
والأطفال تطشر وسط البر
والصيوان كله ابنار تتوجر
وظلي حايره ومنج قلب مشعوب
--------------------------
(الجزء 1 – ص 61)
Page updated
Google Sites
Report abuse