وحيدة ومالها والي

وقفت الحوره على أجساد الشباب

من قلب مالــــــوم نادت يالأحبــــــاب

**************

شبوا النيـــران في وسط الخيم 

طفو هالنيران يا أهل الشــــيم

أسمعوا الأيتام تندب والحـــــرم 

يخوتي بس عاد من نوم التراب

..

قوموا يا شبان ماعندي عوين 

وحدي محتارة و ألطم باليدين

واليتامى ذوبوني من الحنين 

و انولينه ياهلي بيد الأجناب

..

ريت يا عبــــــــــــــــاس تنظر حالتي 

يا عديل الروح ذابت مهــــــــجتي

ياهو هالســــــــــاعة يباري عيلتي 

من بعدركم يا شبل داحي الباب

..

تدري يا عبـــــــاس آني بذمتك 

وللهظم والظيم تترك خيتك

هذا يا عباس مو من شيمتك 

تتركوني بهالفله بين الأجناب

..

ياقمر عدنــــان بسك لاتنام 

عالنهر نايم وحاطتنه اللآم

والحرم فرت يخويه والأيتام 

وأنه محتــــاره مابين الذئاب

..

آيست منه وصــــــاحت يا علي 

يا عزيز حسين يا ضنوة هلي

ترضى يا مغوار زيـــــنب تنولي 

يا شبيه المصطفى وبن الاطياب

..

وصدت الجاسم ودمعتها تسيل 

شافته مطــــروح وابدمه غسيل

لطمت الهامه ونادت بالعـــــويل 

وين أولي من بعد فقد الشباب

..

وين أولادي امحمد وعــــــون 

سافروا عني بعد مايرجعون

ذايب افادي عليهم هالغصون 

صوبتني كربله بأعضم صواب

..

أغسطس 2014م / شوال 1435