Embedded Files
لفت سكنه لعمها تصيح
تصرخ الماي الماي … ياضوه عيوني
**********
عمي يا راعي الشيم ماي ما ظل بالخيم
والحرم تنعى بألم وين شيال العلم
للخيم جيب الماي … يا ضوه عيوني
**********
يا شبل خير العمل ويش يصبر هاالطفل
العطش ما يحتمل ضامي وجسمه منتحل
مده ما شرب ماي … يا ضوه عيوني
**********
ابخده تجري عبرته والعطش فتت مهجته
ذاب قلبي بونته شوف عمي حالته
ينتظر قطره ماي … يا ضوه عيوني
**********
ضامي قلبه منمرد وانت يا عمي الضمد
حان ها اليوم الوعد مالنا غيرك سند
للخيم جيب الماي … يا ضوه عيوني
**********
ملتجيه إبذمتك والوفا من شيمتك
يحفظ الله يمنتك روح واملي قربتك
وللحرم جيب الماي … يا ضوه عيوني
**********
يا بطل هالملحمه تدري ابنار الضمى
في حشانه مضرمه يا بن حماي الحمه
لينه دجلب الماي … يا ضوه عيوني
**********
العطش نار استعر وعندك يا عمي الخبر
انت للعيله ذخر تنزل اليوم النهر
لينه وصل الماي … يا ضوه عيوني
**********
(الجزء الثاني – ص 41)
Page updated
Google Sites
Report abuse