اتحير جواد حسين

عباس هذي كربلا نصبو خيمنا

وبهداي ياضنوة علي نزلو حرمنا

 *************

عباس هالتربه أنا موعود بيها  

مكتوب ليه هالارض لازم اجيها

ومخدرة حيدر علي عينك عليها 

هاي الوديعة بذمتك زينب اختنا

........

هلت أدموعه بو الفضل زينب عيوني  

مادام انا موجود حي وتنظروني

ليمن طحت يم النهر خويه عذروني 

لجفوف مني مقطعة واجدب الونه

........

عندي علمها كربلا وبيوم عاشور 

نبقى على حر الثرى والنحر منحور

وزينب بعدنا تنسبي وتركب على الكور  

كــني اراها حايره خويه بعدنا

.........

سمعت كلامه و أقبلت زينب تنادي 

اصبح أسيرة من بعدكم ياسنادي

وصدت لخوها حسين تلطم بالايادي 

يحسين من قبل المسا للوطن ردنا

........

قلها الشهيد حسين يازينب دصبري 

اعلى الرزايا والمصايب مثل صبري

ابهاي الأرض يمخدرة محفور قبري 

في يوم عاشر الظهر ينكسر ظهري

........

من عقب دبحي كربلا تزهي بالانوار 

ولازم تشوفي كربلا مقصد الزوار

تلفي الاحبه كربلا يابنت الاطهار 

ترجى الشفاعة في الحشر ياخيه منا

 سبتمبر 2011م / شوال 1432 ه