حر العقيدة

حر العقيدة وقف يم حسين خجلان 

و ابدا الندامة والدمع بالخد غدران

*****************

يحسين اريد المغفرة هاليوم منكم 

وانتوا العفو يحسين هذا من شيمكم

آنا الذي يحسين لمروع حرمكم 

سامحني بين المرتضى وسيد الأكوان

.........

يابو علي مختار انا الجنة على النار 

وخليت عسكر بن سعد يانور لبصار

عايف حياتي وجيت ياضنوة الكرار 

ارخصني بين المرتضى انزل الميدان

.........

لازم اطب هالمعركة وأسطي على القوم 

بسيفي لروي كربلا من فيض لدموم

واترك منازلهم عليها تنعب البوم 

وتشوف حملاتي عليهم آل سفيان

..........

طب المعارة وصاح بيهم بارزوني 

الحر انا ياقوم ماظن تنكروني

ياعسكر ابن زياد كلكم تعرفوني 

وسط الحرب من صرختي ترجف الفرسان

..........

وبس مانزل أوساطهم راعي الحمية 

خله دماهم تنهمر فوق الوطية

وحسين واقف ينظره روح الزجية 

ويشوف عدوانه تفر وسطت الوديان

...........

وحان القدر وتلا قفوه بسيوف ورماح 

عجلوا عليه ياقوم فيهم بن سعد صاح

وبسيف صابوا هامته وفوق الثرى طاح 

وحسين جاه وعاينه يفحص بالتربان

............

ويمه جلس ينعى والدمع سجاب 

ويشوف دم الراس سايل فوق لتراب

ابمنديل شد راسه ابن دحاي لبواب 

وعود الى الخيمه وقلبه بزود وجعان

أكتوبر 2011م / ذو القعدة 1432 ه