لكبر يا نظر عيني

ليلى اتنادي يا مهجة الروح

يا جرح ماديك من هاي الجروح

..

يا علي الأكبر دبطل هاالونين 

ذايب أفادي يا ضنوة حسين

قاعدة يمك وألطم بااليدين

 وانظر جروحك يا يمه و أنوح

..

يا ثمر لفاد يا زين الشباب 

فتح عيونك ذوبت الأحباب

واسمع الصيحات في وسط الأطناب 

والقلوب متفتته ولجلك تنوح

..

الجبد يا حيد مني مفطرة 

وجرحك الدامي مقدر أنظره

يا شبيه المصطفى خير الورى 

قلبي بافته وبداوي هالجروح

..

وبضعيف الصوب نادى أميمته 

هاالدوه ميفيد والمحتوم أتى

وغابت أنفاسه ومالت رقبته 

والصدرها ضمته وزادت النوح

..

وصارت الضجات في وسط الخيم 

تندبه وتصيح يا راعي الشيم

والشهيد حسين نادى بالألم 

وانحنى يشمه وينظر للجروح

..
لن علي السجاد داخل خيمته 

من بجي النسوان ذابت مهجته

وصاح يا ويلي ونادى عمته 

اسمع النسوان في الخيمه تنوح

..

ضمته وتقول يا باقي هلي 

مات الساعة الأكبر علي

وليلى اتنادي راح امدللي 

قاعدة يمه ياويلي وتنوح

..

والعزيز حسين دمعه يدرفه 

آه يا روحي على الدنيا العفه

ليش عايفني يا رمز الوفه 

بين عدوانك يا مهجة الروح

..

سبتمبر 2014 م / ذو القعدة 1435 ه