Embedded Files
يالتزور حسين يوم الأربعين
صيح يا مظلوم بين الحرمين
واحسينا واحسينا واحسين
************************
يوم زينب عودت طف كربله
تجر حسرتها ودمعها تهمله
وشافت الزوار صاحت يا هله
ياهله بيكم يزوار الحسين
************************
وخاطبت لطفوف يا أرض المحن
خبريني كربله وين اندفن
وجاوبتها كربله يم الحزن
ذاك قبره يا عزيزات الحسين
************************
ولفت يم القبر تندب يا أمام
والحريم اتنوح يمها وليتام
تبث شكواها من جور اللئام
قوم ما عندهم حمية مجرمين
************************
آه يامظلوم يا سبط الرسول
يا شبل حيدر ويا روح البتول
يالذي داست على صدره الخيول
في محاني كربله دامي وطعين
************************
وسافرت عنك وجسمك عالثرى
غصبن اعليه اروح أميسرة
والڄبد يحسين مني مفطرة
والدموع اتسيل فوق الوجنتين
************************
هالسفر يحسين ناحل قوتي
وبأراضي الشام زادت علتي
ماشفت واحد ينشف دمعتي
كلّهم ارجاس يا ناصر الدين
************************
دارت الأرجاس بيه كل بلد
حرمة مسبية وما عندي احد
ذاب ياخويه دليلي والجبد
والشمر بالسوط ادمه الساعدين
************************
من عقب فرقاك ما شفت الهنه
ابعيلتك يحسين صرت امدوهنه
وجبت راسك يا حبيبي ادفنه
دوب افادي يخويه بالونين
************************
وبيدها نزلت راسه في القبر
وظلت تنادي يويلي أم الخدر
من عقب عيناك ما ريد العمر
عيشتي بلياك صعبة ياحسين
************************
ظل علي السجاد يهمي مدمعة
قومي ياعمة نروح المشرعة
انزور هالساعة البطل ونودعه
قبل ممشانا إلى أم البنين
************************
وصلت قبره وصاحت يا شهم
ليش عفتوني يشيال العلم
تدري هالعدوان ما عدهم شيم
اخلاف عينك يأسروني الحاقدين
************************
دخلونه القوم ع الطاغي يزيد
ويمي السجاد يرفل بالحديد
وينظر الملعون لينا كالعبيد
ما رحم حالي خبيث الوالدين
************************
الحاج يعقوب القصاب
ذو القعدة 1438 ه - أغسطس 2017 م
Page updated
Google Sites
Report abuse