الآن انكسر ظهري

للعركة راح حسين     يمشي ابهمه

شاف البطل طايح  غارق بدمه

**** 

اتحسر عليه و صاح   يا قمر هاشم

منهو بعد عيناك     يحمي الفواطم

ظهري كسرته اليوم      عالنهر نايم

ظل يصفك الكفين   من وصل يمه

 ****

خويه صرت وحيد    بين الأعادي

دارت علي كل صوب  و املت  الوادي

وسط الخيم ضجت   عترة الهادي

قوم احمل الراية   و الشمل لمه

 ****

وينه قمر هاشم   تسأل العيله

و باب الخدر تتناك  تبچي العقيلة

ومن المرض العليل   دايب دليله

عمّي طلع مارد  خايف يعمه

 ****

انهض يبوفاضل طولت نومك

خل زينب اتشوفك  تغسل ادمومك

للظل على الغبرة  هد ركني يومك

من شوفتك ممدود   قلبي تألمه

 ****

نادى يابو السجاد   ودعني وروح

يا حسين حل موتي  انظهر هالجروح

ظل ينظر جروحه         ولن فاضت الروح

و خلى على الشاطى     و العلم يمه

 ****

اتحسر عليه و قام    يدرف دموعه

و عوّد إلى الخيمة و چبده وجيعه

و من شافته زينب   ضمته بلوعه

عباس خيك وين   يا أبو اليمه