يا سفينة النجاة3

وحق الزاجيه أمك .. ياللي منسفك دمك

واجبنه نصيح اليوم.. نندب آه يا مظلوم

من طاح الشهيد حسين ودمه سال لجل الدين

نصبنه ماتمه معزين نلطم دوم بالأيدين

واجبنه نصيح اليوم نندب آه يا مظلوم

..

علينه زادت الأحقاد من نحيي عزه الأمجاد

ما نخشى من الأوغاد بنواسي علي السجاد

واجبنه نصيح اليوم نندب آه يا مظلوم

..

شمر الخنه حز الراس ومنك خمد الأنفاس

وآمر بن سعد الأرجاس بخيول العده تنداس

واجبنه نصيح اليوم نندب آه يا مظلوم

..

نار الحزن تلهبنه حب حسين في دمنه

مصاب الحسين ذوبنه شيعه وهذا واجبنه

واجبنه نصيح اليوم نندب آه يا مظلوم

..

طول العمر ماننساك ياللي تخضبت بدماك

كل أرواحنه تفداك ننصب ماتمك ننعاك

واجبنه نصيح اليوم نندب آه يا مظلوم

..

فدوه إلك تروح الروح نصرخ آه يا مذبوح

ليل نهار عليك تنوح قلبها شيعتك مجروح

واجبنه نصيح اليوم نندب آه يا مظلوم

..

مايو 2010م / جمادى الآخر 1431 ه