وفاة رقية

قاست مصايب من عقب ذبحة وليها

ويا هي رزيه حين جابوا الراس اليها

_____________

و نادى علي السجاد يا عمه الزڄيه

ماتت على راس الولي اختي رقية

ماتت يعمة و هاجت أحزاني عليه

عن راس ابوها حسين يا عمه ارفعيها

___________

و الروح منها فارقتها اعزيزة حسين

و صار البچي و النوح مابين النساوين

وسط الخرابه ضاجة تندب الصوبين

وينه ابوها ما يجي هاليوم ليها

__________

ياهو يودي خبر للوالي ابوها

ويه البطل عباس و الفارس اخوها

هاي الجنازة يا هلي قوموا ارفعوها

و جيبوا سدر و أڄفان يا ساده اليها

_____________

زينب تنادي و القلب زايد لهيبه

ماتت براضي الشام يا ويلي غريبه

من وين ابو فاضل أبو الشيمه اجيبه

ينظر خواته حايره وما احد ليها

_____________

ذايب دليلي من كثر هاي المصايب

و انتحل جسمي يخوتي و الراس شايب

في وين حماي الحمى هاليوم غايب

ارجال ما عندي تسوي قبر ليها

___________

ابچي ونادي يا ذبيح المات عطشان

ظليت حرمه حايره ما بين عدوان

يا ليت تنظر حالتي اولاد عدنان

عترة الهادي جارت الأمه عليها

___________

جمادى الاخر  1439ه

مارس 2018 م