Embedded Files
من خيرة الأنصار نصروك يحسين
منهم عبيد اتقدمت واحرار يحسين
إلتمت اليوم عندك يمظلوم
تنصرك يحسين
............
يحسين إلك أنصار الله إصطفاهم
من عالم الذر من قبل ثبتوا ولاهم
واليوم دونك في الحرب سفكوا دماهم
يلفون وادي كربله ونالو مناهم
تثبت ولاها يحجي دماها
تنصرك يحسين
.........
عافوا وطنهم والأهل وتعنوا اليوم
نصرتك بين المرتضى الكل ملزوم
تطلب الرخصة للحرب منك يمظلوم
أرواحهم فوق الأكف واتحارب القوم
تمحي الكتايب وسط الحرايب
تنصرك يحسين
.........
شبان باعوا للعمر وشيوخ لنصار
يتهافتون اعلى المنيه رفضوا العار
بين البتوله فاطمة وحيدر الكرار
ليلة العاشر تجتمع عنك الأنصار
الله يصبرك تنتظر أمرك
تنصرك يحسين
......
يحسين آمرنه نطب حومه الميدان
بسيوف مسلوله وعزم بنهز لكوان
الموت مانهابه بعد تسمع العدوان
بندب هنك يالولي لا تبقى حيران
بنضحي اليوم دونك يمظلوم
ننصرك يحسين
......
و عباس يمه ينتخي يبن الشفيه
مالي صبر يحسين يا شبل الز جـــــــية
من بويه حيدر سيدي عندي وصيه
أنصرك يبن الطاهرة في الغاضريه
خل تنظر القوم حملاتي هاليوم
بنصرك يحسين
........
وحسين ينظر حالته ويصعد أنفاس
شلون تتركني أجل يا صعب المراس
لاتفجع الحورة بعد دصبر يا عباس
صاح البطل يحسين ماتسمع هالارجاس
ارخصني باروح افديك بالروح
بنصرك يحسين
........
حتى الرضيع إيصيح لبيك يحسين
محسوب من النصار يا عز المسلمين
نحره بسهم ينجرح يا نجل الميامين
مذبوح وترده الخيم بس تدمع العين
مجروح قلبك الله يصبرك
بمصابه ياحسين
2009م / ذوالحجة 1430 ه
Page updated
Google Sites
Report abuse