عريس كربلاء3

آه واقسماه   آه واقسماه

.....

حسين نادى بحسرته  بالوديعة إخليصته

قومي خيه هلهلي  ونصبي لجاسم خيمته

وعلقي الشمع الاسى  يختي وعجني حنته

من الحسن عندي وصيه اليوم جاسم زفته

آه واقسماه    آه واقسماه

.........

شهالخبر نادت الحورة  وين أهله وعزوته

جان هالساعة بتزفه  روح نادي عمومته

وصيح يا شبان قوموا  هالساع حضروا زفته

وانشدوا قدام جاسم  خلها تسكن روعته

آه واقسماه آه واقسماه

........

الولد ذايب إفاده  وفوق خده دمعته

وجفنه بثياب عرسه  وصاح قوموا بنسوته

وطلعت امه من خدرها  اتصيح ويلي وضمته

زفته نسوان كلها  من ينشف دمعته

آه واقسماه آه واقسماه

......

وين غاب المجتبى  هاليوم ينظر ضنوته

صار عرسه بكربلا  جاسم يمحلى مشيته

والحرم خلفه تهلهل  والبجى عند زوجته

ودعوا الجاسم بحسره  حسين ناده إبنسوته

آه واقسماه آه واقسماه

.......

هالعرس ميدوم ساعة  وسيف يشطر هامته

وللخيم يرجع جنازه  ودم راسه حنته

من الألم يجدب الونه  ويفت قــــلبي بونته

فوق صدري حاملنه  شحال قلب إميمته

آه واقسماه آه واقسماه